لما تحس انك طبيت
لما يكون قلبك بيضايقك
لما يكون احساسك غالبك
اوعى تسلم أو يوم تضعف
حكم عقلك!
خلي مشاعرك أخر الصف
خاف م الحب ياصاحبى دا أعمى
ميخلكش تشوف قدامك
تبقى تملي سجين أحلامك
تبني قصور في القلب عشانها
تيجي في الأخر
يقع السور منهار بكلامها
وانت تشيل قلبك مكسور
وتلف الدنيا معاك و تدور
ومحاوط قلبك مليون سور
اكمنك احساسك صادق
مش جاي بتلعب بتصادق
كان الجرح عميق وكبير
خطفك جابك جوا البير
وانت ياعيني ضعيف وأسير
قاعد بتلملم في كسور
ومحاوط قلبك مليون سور
وإن جالك مخلوق يداويك
فهو ولا مارد ولا عصفور
افتح قلبك
خلي الحب تملي يفور
ويداوي إحساس مكسور
ومتنساش
حكم عقلك
لو حسيت انك طبيت
حاكم الحب ياصاحبي دا أعمى
هيخبط قلبك في الحيط
*
*
شعر/ أحمد محمد زهران
لما يكون قلبك بيضايقك
لما يكون احساسك غالبك
اوعى تسلم أو يوم تضعف
حكم عقلك!
خلي مشاعرك أخر الصف
خاف م الحب ياصاحبى دا أعمى
ميخلكش تشوف قدامك
تبقى تملي سجين أحلامك
تبني قصور في القلب عشانها
تيجي في الأخر
يقع السور منهار بكلامها
وانت تشيل قلبك مكسور
وتلف الدنيا معاك و تدور
ومحاوط قلبك مليون سور
اكمنك احساسك صادق
مش جاي بتلعب بتصادق
كان الجرح عميق وكبير
خطفك جابك جوا البير
وانت ياعيني ضعيف وأسير
قاعد بتلملم في كسور
ومحاوط قلبك مليون سور
وإن جالك مخلوق يداويك
فهو ولا مارد ولا عصفور
افتح قلبك
خلي الحب تملي يفور
ويداوي إحساس مكسور
ومتنساش
حكم عقلك
لو حسيت انك طبيت
حاكم الحب ياصاحبي دا أعمى
هيخبط قلبك في الحيط
*
*
شعر/ أحمد محمد زهران
ليست هناك تعليقات:
إرسال تعليق